Eusi 4 Monet Reis: Neuseeland Südinsel (12 Täg bis 20.02.2014) Part1

Nachdem mir uf Phillip Island bi Nacht ca. 700 Little Pinguin teilwiis us 1Meter Distanz bestuunt hend und Stadt Melbourne by Night besichtigt, het eus Virgin Australia nach Christchurch bracht.
Det hemmer es fahrends Huus in Empfang gnoo - für eus puure Luxus:
Lange: 7.3m
Austattung: Polstergruppe, Esstisch für 6 Persone, Schlafglägeheit für 6 Persone, WC/Dusche, Chuchi, Chuelschrank, TV, Mikrowelle, Heizig und viel Chästli für all eusi Chleider.
D'Batterie langed für mindestens 3 Täg Outback.

Und so simmer loszoge richtig Süde, den en Abstecher zum Mt. Cook und jetzt im Nordweschte bim Franz Josef Gletscher acho.
E churzi Zämefassig was mir erlebt hend wie immer in Bilder verfasst.

De Mt. Cook. Mir hend das gueti Stück nur vo wiitem beobachtet, den so schön ischer nöd würklich ... ;-)

Yellow Eye Penguine ... ca. 70cm gross und bereits am Namittag ab 17h ufem Weg as Land ... Einzeln. Little Pinguine chömed erscht i Dunkelheit und nur i Gruppe vo 6-8 usem Wasser. Aber beidi Arte bruched vill Ziit bis zum Näscht, da sie vollgfrässe sind. Mer chönti Stunde lang zueluege.

Boulders - schöni natürlichi Chugle

Bim Wagerenne hemmer kei Geld verwettet! :-)

Die Foti muess meh in Grossformat aaluege ...

So wird i eusem fahrende Hotel Wasser nahgfüllt, ganz lässig und easy ... ;-)

Mir hend den all vier Farbe vo dem Labyrinth gfunde!! :-) Aber vor em erschte Fund hemmer fascht de Pfau gmacht - isch doch gar nöd möglich dass es so schwer chan sii ...