Mittwoch, 27. November 2013

Bereits vor Bundaberg

Nach de Great Barrier hets wägeme Tip vom Marco en Abstecher nach Cape Tribulation und uf de Bloomfield Track geh. Schliesslich hend mir euse Offroader welle teschte. DStrasse gönd det Senkrecht berguf und bergab, viel Träck und Ab und Mal en Bach Durchquerig. Aber es hetti meh verlitte. Mir werdet sicher in Darwin mit no meh Rege und überfluetete Strasse bedient. ;-)
Aber Cape Tribulation isch sehr schön und natürlich.




Ufem Rückweg nach Cairns hets en churze Flug übers Great Barrier Reef geh



Da no es Bild vom Pilot ..  ;-

Nachher isches wiiter nach Townsville und Airlie Beach gange.
Unterwegs hets Abstecher in Regewald geh mit erfrüschender Abchüelig - au da het sWasser 23Grad ghaa. (Reto i de Bildmitti ufem Weg zu de Stei-Rutschi)






In Airliebeach simmer mit em 900PS Boot zum Schnorchle und White Haven Beach gfahre und hend mit Aurelia und Marco us Zug en tolle Barbeque Abig zu Gölä und Co. und feinem Aussi Wii gnosse.

Vor Rockhampton simmer no amene ganz wichtige Ort verbii cho ....
 

Und jetzt sitzed mer in Rockhampton ässed Stakes und gnüssed live Rodeo ...
Ah ja das isch euse Van:





Mittwoch, 20. November 2013

Zrugg vom Great Barrier Reef





 
Es isch de absoluti Hit gsii uf dene Reef, klar wie im Aquarium. Jetzt gahts Abetüür wiiter im Camper Van

Samstag, 16. November 2013

Australien - Day 1



Es isch 06:20h wo euse Flüger am Sunntig bi bereits 26 Grad C. ufsetzt.
Nachdem de Strupi euses Gepäck nach essbarem beschnupperet ghaa het,  hemmer dörfe nach Australie iireise. Yesss - mir sind da!
Am Mäntig 06:15 gahts los - es erwartet eus 3 Täg (und Nächt) tauche am Great Barrier Reef = 3 Täg Blog-Sendepause.

Zwüschenstopp Hong Kong




Die erscht Zwische-Etappe (Flug Zürich - Hongkong) isch abwechsligsriicher gsii als vermutet. Während 12 Reisestunden hemmer ca. 400 Schlafpositionen chöne usfindig mache. Schad dass keini so richtig zu Schlaf gfüehrt het. 😉
(Hoffemer mal, dass denn die Mars-Reisende besseri Schlafplätz zu Verfüegig hend ...)
Mirjam entziffert da grad euses nächschte Gate.

Sonntag, 10. November 2013

6 Tag vor Abflug ... letschti Sägeltag mit Christoph


Es isch schön gsii vor de Ufenau. Aber wo de Wind dreiht het, isches immer chälter worde.
Denn isches für sBoot Ziit worde mit em Christoph is Winterlager zfahre

Montag, 4. November 2013

Bald ...




De Countdown lauft ... in es paar Tag gaht's los, 
weg i die wiiti Welt - uf Entdeckigsreis!