Neuseeland Nordinsel (10 Täg bis 02.03.2014)

D'Fahrt mit de Fähre vo Picton nach Wellington isch mystisch, aber unheimlich faszinierend gsii.

 Schiinbar isches nöd alltäglich, dass mer sonen Nebel gnüsse dörf ...

Das wär doch en Chran für nach Züri ad Limmat?!?

De Riesetintefisch im Muesuem "Te Papa" hemmer eus nöd entgah laa.

 

Im Hafe vo Wellington schwimmed die tolle Roche umenand.

Meer, Nebel und dSpitze vomeme Gipfel ...

Es alts bekannts Gsicht het eus 50km nördlich vo Wellington zumene Kafi iiglade. En schöne Gruess an Dennis - er heig jetzt au en Chraft Ruum!Erscht grad isch er no en halbe Schindellegler gsii und jetzt wieder zrugg i de Heimat.

I de Chuchi vom Geoff.

Tolli Landschafte gits au uf de Nordinsle.

Vor Taupo chame s'Tongariro Gebiet mit de Vulkan bestuune.

Zwüsched Taupo und Rotorua hets denn i de Erde so richtig aafange choche und blubbere.

Übernachtet hemmer umgeh vo heisse Quelle - wo mer besser de Fuess nöd drii gstreckt het! ;-)
Am Camping Rand sind denn au entsprechendi Warnschilder gsii - "Chochends Wasser"

Nacheme heisse Bad im Spa isches am nächschte Tag zu de zweite vulkanische Zone gange - s'Waimangu Volcanic Valley. S'jüngschte Geothermal Eco System uf de Welt wo erscht 1886 kreiert worde isch. Denn sind nämlich 22 Krater explodiert. Vo 1900 bis 1904 hets en Geyser geh wo alli 36 Stund e 400Meter höchi, chochendi Wasserfontäne gmischt mit Sand, Stei und Dampf in Himmel gschosse het. 

2014 gseht das Gebiet wie folgt uus ...

 

 

Wie de dur das heissi Wasser lauft isch eus es Rätsel ...

In Mt. Manganeui  gits en tolle Berg mit super toller Ussicht.

Mit chli meh Wind hetted mir de Blo-Kart bewegt. 

So isches denn ebe uf's SUP gange .... Die gröschti Herusforderig isches gsii nöd uf eini vo dene neugierige Roche zflüüge .... aber de SUP Kapitän isch troche umecho.

Hot-Water Beach: Leider isch kei Schufle i de Camper Standard Usrüschtig debii gsii. Aber miteme guete Teller isch villes möglich.

Nach einige Minute grabe (inkl. Wellebrecher) isch euses Bädli parat gsii. I de Gegend vom Chopfbereich isch sWasser vo de 60°C warme Quelle ufgwärmt worde ...

 ... und mir sind nöd öbe elei gsii ... :-)

Nach de "Morge Arbet" isches imene 40-minütige Marsch ad Cathedral Cove gange 

 Det hets den au die nötig Abchüelig geh

D'Mirjam het die warme Sunnestrahle gnosse.

Da het doch tatsächlich eine no de länger Camper als mir. 34 Fuss lang, also über 10Meter!

Was bedütet wohl die Schwimmweschte?

Nei, kei River Rafting sondern River Rapid Jetting!!

 Mit 500PS dStromschnelle uf und ab - das gits au nur in New Zealand.

Im letschte Teil gits en Churzbricht vo Auckland - denn sind eusi lange Camping Ferie bereits Gschicht. Zuesätzlich gits en Camper-System-Blick und nach Auckland en Überraschig!

Neuseeland Südinsel (12 Täg bis 20.02.2014) Part2

Zerscht hemmer de Fox Gletscher besichtigt. De Gletscher isch zwenig imposant - defür sTal umso meh mit de senkrechte Felse.

Nacheme Bad im Whirlpool ufem Kiwi Camping und ere eher chalte Nacht isches zum Franz Josef Gletscher gange.

Da hets den au nochli Iis zbestuune geh.



Wiiter isches zu de Blue Pools gange.

 Bi eim vo dene zahlriiche Wasserfäll hend mir eus I From vomene Steimandli vereewigt.

Das isch kein Kiwi sondern en Weka

Im Shanty Town hemmer sGlück bim Goldwäsche versuecht und sind tatsächlich fündig worde ...

De Reto het no es dringends Gschäft müesse erledige

Blow Wholes bi de Pancake Rocks

Die längschti Hängebrugg vo New Zealand mit em Jetboat

New Zealand young Ranger Contest ... de Parcour het ca. 20 Diszipline beinhaltet - sehr spannend!

Am gliiche Aalass het me um dWett Schaf gschore. Im Final sinds 14 Schaf gsii wo hend müesse enthaart werde.

Heickli Stellig ;-)

En Segelflüger uf Landekurs

En Stei uf Schiferkurs

Ja mir hend ab und mal au grelaxt vor eusem Camper. Das isch am Tag vor eusere 2-tägige Kayak Tour im Able Tasman Park gsii.

Denn isches los gange - nachere 2-stündige Busfahrt sind dKayaks mit diversem Material belade worde.

Mit viel Wind isches ufs Meer gange. Da de Wind vo hinde cho isch, hemer s'Segel vor die vier Kayak gspannt und eus la triebe laa. (Da gits es Video dezue wo da nöd veröffentlicht werde chan)

Mit Recht het dMirjam de Spritzschutz aagleit will dWelle a Grössi zuegnoo hend.

En junge Seeloi hed eus da beobachtet

Innere Bucht hemmer euses Lager und eusi Zelt ufbaut.

De Roy het eus es guets Abigesse andezaubered und es bitzli Alkohol hets au no geh ...

De Vollmond het sich i dene Wölkli vo de schönschte Siite zeigt ... Wer gseht s'Starship Enterprise? ;-)

Am Tag 2 bim Kayake hemmer i dere Lagune euse Lunch iignoo

So gseht das uus innerhalb e andere Lagune

Nach dene tolle zwei Täg paddle isch dReis de Küste entlang wiiter nach Picton gange

Da schlüssed mir dSüdinsle ab und lönd eus nach Wellington verschiffe