Adelaide - Melbourne (10 Täg bis 07.02.2014)

Mir sind froh dass mer d'Option "Flug" vo Perth nach Adelaide gwählt hend. Fahre isch in Australie zwar sehr easy, aber nach 13'000km simmer froh um die Abchürzig.
Am 27. Januar hend dAustralier ihre Freitag chöne iizieh, da de Nationalfiirtig uf en Sunntig gfalle isch - Hallo?? Was für e gueti Idee!!
Adelaide isch deshalb usgstorbe gsii. Und bi 43Grad im Schatte isch me doch gern im klimatisierte Apartement.
Nach Adelaide isch dReis zum vierte und letschte Mal im 4x4 Camper (s'neuschte Modell bisher mit nur 16'000km) wiiter gange.

 Uf Känguruh Island hets mal e Raubvogelschauh geh ...

 Es git e riise Seeloie-Kollonie uf de Insle ...

 Wer het de Film December Boys gseh ...

 Campiere im Stei ...

 Au i dere Grotte huused Seeloie ...

 Bereits ufem Rückweg mit eusem Camper und ere Ladig Schaf ....

 Unterwegs gits villi Salzsee

 und Usblick uf bezauberndi Meer

 Das isch es Blow-Whole

 Und echli Chäs Heimat hemmer au no gfunde - das Stückli isch eus aber ztür gsii - de Chäs Liebhaber het lieber e Glace gnoo ... ;-)

Zum Glück hemmer in Exmouth die Netz mitlaufe laa ... DChinese hend eus niidisch aagluegt (wäg dem Produkt "Made in China") und 30x pro Minute mit de Hand im Gsicht gwedlet, um dFlüge zvertriibe. Zum Esse isches nöd empfehlenswert ... ;-)

 D'Usläufer vo de 12 Apostel

Und da sinds die 12 Apostel und die 2 Tourischte ...

Zum gnauer Nahzähle (öbs au würlich 12 sind) hemmer eus das ganzi vo obe aagluegt und siehe da - 

es sind nur no 8!! 12 sinds gar no nie gsii ... grrrr - die Australier wieder.

 Jetzt isch au dMirjam Helikopter gfloge und mir hend euse 5. Scenic Flight abghackt.

 Wer no nie en Koala Bär i de freie Wildnis gseh het - das isch eine ...

Und wieder hemmer en tolle Usblick a de Great Ocean Road gfunde ... de Fotograf het no en bessere Usblick ghaa! :-)

 Plötzlich hets nur no gwimmlet vo wilde (zahme) Koala's und farbige Papageie ...

Nach dene Vögel (die ufem Arm) ;-) isch dFahrt a de Surfbeaches und Läde wiiter nach Melbourne gange.
3 Nächt simmer jetzt da und gnüssed die tolli Stadt.
Denn gahts wiiter nach Christchurch wo mir eus ufene grössere Camper freued.

Perth Nationalday (26.01.2014)

In Perth söll sgröschte Fürwerk und die beschti Nationaltags-Party vo Australie sii, weshalb mir natürlich bliibe sind. Und was macht de Australier amene sone Tag? Er sicheret sich so früeh wie möglich de beschti Platz am Swan River, sitzt und wartet, drinkt nöd Bier (will das i de Öffentlichkeit verbote isch) isst und wartet ...
Am 3pm hets Programm gstartet ... kein Vergliich zum Zürifäscht, aber für Australischi Verhältnis "not bad" - "no worries" gäll!

Perth - Albany - Waverock - Perth (1 Wuche bis 25.01.14)

Nacheme schöne, intensive Baliabschluss wo mir nöd so schnell vergesse werdet,  isches zrugg i euses fahrende 6m2 Huus gange.
Bi Apollo simmer bereits als VIP iitreit weshalb dÜbernahm sehr schnell passiert isch.
Nachdem mir bim Brent eusi Sache abghollt hend (Thanks again for the storage!), isches wiiter in Süde gange.
In Margareth River hemmer en Tag mit Wii, Chäs und Schoggi degustiere verbracht.

I dere Gegend gits au tolli Surf Beaches und Strandabschnitt.

Usnahmswiis isch ufem Camping au mal e Wöschleine erlaubt gsii.

Denn isches höch ufe gange. Zerscht hemmer de Baum selber bestiege aber müesse nach 56Meter passe. (De höschti Baum wird ungsicheret bis 75Meter bestiege) Denn isches uf de Tree-Top-Walk gange.

Es git da nöd nur sehr höchi, sondern au breitig und hohli Bäum.

In Albany hemmer Bsuech vo de Heimat ghaa - schiinbar laht sichs vo Bangkok nach Australie für CHF 3000.-- verschiffe. Aber wie chunsch bis nach Bangkok? Brucht wohl chli meh als 4 Monet Ferie ... ;-)

Gsteinsformatione sind wie überall in Australie immer wieder faszinierend

Denn isches Quer durchs Land gange ...

Das isch nöd öbe Nebel oder es Buschfüür wo da ufzoge isch, sondern es paar 100 Schaf wo imene ca. 50Meter breite Kanal verbii grennt sind. Muess en ganz bsunderige Grund geh haa, wo mir aber leider nöd uf dSchlichi cho sind.

 Au under de Schaf hets immer settig wo no am Schluss nah schnaged ... ;-))

Nach dene wiite und lüchtende Felder hemmer en wichtige Uftrag zerfülle ghaa.
D'Andrea und de Michel hend eus am 21.Januar bim Wave Rock Nationalpark en Schatz versteckt.
Mir sind de Beschriebig uf de Schatzcharte step by step gfolgt.
Vom Waverock simmer id Richtig HypoStei gloffe.

Am Morge früeh isch das ziemlich herusfordernd gsii. Nachdem de Reto imene grössere Spinnenetz "glandet" isch - hemmer en Spinnenetzschutz für de wiitere Weg zur Hilf gnoo

Denn isch das Bänkli cho ...

Vo det sind's 35 Schritt i die anderi Richtig gsii

Links hemmer die Liechtig entdeckt, wo me in Berg gseht. Sehr schnell hemmer au bemerkt vo wellere Spalte dred gsii isch.

Und ...

... de Schatz isch BEREITS KLAUT GSiiii - BETRUG!!
D'Mirjam het sich folglich s'Glätsch vom Reto müesse alose ...

Denn für en wiitere mögliche (neue) Traumjob als "Pirat und Schatzsuecher" isch somit s'Selbstvertraue zerstört.
Das mir ganz sicher a de Richtige Stell gsii währed bewiised die zwei Fotene vo de Schatzcharte ...

"... und das wär Euer Preis gewesen:"

 Mir hend denn gliich no die schöni versteineriti Gegend gnosse ...

... de Dinophante-Fuess entdeckt ....

... und die letschti grosse Welle gsurft