Scho 9000km gfahre

In Exmouth am Beach hemmer eus 5 Täg reserviert.
Schnorchle am Oyster Stacks, Turquoise Bay und Lakeside, tauche am Navy Pier, Düne Carve, Geburtstag fiire und Bier drinke mit em Brent und Tara us Perth, Dog spiile mit Sven und Mirjam (am Sven sini Mirjam), Würfle und Jasse, Dusche underem Duschsack - das Wasser wird ganz schön warm bi 40 Grad.

Ufem Weg simmer a de Mine verbii cho ...

 



... und hend erneut die tolli Landschaft und sWetter gnosse ..

 

In Exmouth isch den endlich Wiehnachtlichi Stimmig ufcho ...

 

 

... nachdem s'erschte Känguruh eus uf em Campingplatz bsuecht het.

 

 

Denn isches a de fascht 400m (!) höche Submarine Antenne verbii zum zweite Australie Tauche as Navy Pier gange. So Antenne Parks gits nur 4 uf de Welt.

 

 

Folgendi Unterwasserbilder sind vonere Fotografin gschosse worde - nei, isch leider kei Meerjungfrau gsii

 

 

 

Nachem Uftauche vom letschte Tauchgang isch grad Ziit gsii de schöni Sunneuntergang zgnüsse

 

 

A de nächschte Täg isches in Kape Range Nationalpark gange. In Park ine het eus es Emu begleitet.

 

 

Den sind die tolle Stränd mit fantastische Korallereef cho ...

 

 

Wenn kein Sunneschirm vorhande isch (mir hend nur en Regeschirm debii gha) muess mer de Erfindergeist iischalte

 



Em Abig hend eus Känguruh bsuecht ...

 

 

 

.. und d'Mirjam sowie de Sven um e rundi "Dog" uszträge ... wer Gwünner vo dere Partie gsii sind, bliibt es Gheimnis. ;-) (uf jede Fall sind's die bessere gsii)

 

Zäme hemmer en wiitere tolle Sunneuntergang ...

 

 

 

 

 

... und de Mond gnosse.

 

Nachdem d'Sunne erwacht isch

sind d'Mirjam und de Sven wiitergreist

und mir sind nomal zrugg zum Reef um erneut Turtle und Reefhai zbestuune.

d'Känguru hend sich in Schatte gleit - wär ja chli zvill verlangt bi 40 Grad no umezhüpfe

Wie versproche d'Bilder vo dere fantastische Düne

 

De nächschti Sunneuntergang hemmer vom Lüchtturm gnosse

 

Im Lüchtturm Camping hemmer nebe wiitere Schwiizer Bekanntschafte (Andrea und Michel) au e riise Schlange uf Bsuech ghaa

... na ja, so riisig isch sii den doch nöd gsii wie mer gseht, aber s'Interesse isch gross gsii.
Und umso chliner desto giftiger hend mir eus usgmahled ...
Mit Schufle und Bese isch sie usem Campground gjagt worde.

 

 

 

Bis zum Karijini Nationalpark

Nach Derby isches uf Broome wo mir ufem Big4 Camping us 497 freie Plätz hend dörfe usläse. Bsunders gnosse hemmer de "Millione Pool", de tolli Sandstrand und de Krokodil Zoo.
Es isch kein gwöhnliche Zoo. Tier hend da viel meh Platz als anderswo. Zudem sind da au dProblem Krokodil in Asyl. Füeterig isch jewiils am 3pm und nöd ganz eifach wie  meh gseht.

 

So zahm wenn erscht 1Jahr alt und "d'Schnorre" verbunde ...

 

... und so gwaltig extreme wenn chli Älter und hungrig ... - s'Saltie (Salzwasserkrokodil)

 

Fascht hettis en tote Fisch + en Arm zum zVieri geh

 

Bevors an 80 Mile Beach gange isch hemmer nochli Stränd um Broome uskuntschaftet.

Meh da devo am 24. Dezember

 

80 Mile Beach isch wie de Name scho seit en fascht endlose Strand, mit  tollem Campingplatz, tolle Sunneuntergäng und Schildchröt wo bereits ab em 5pm zahlriich usem Wasser stiiged

 

Da isch grad en Turtle bi de Mirjam verbii "gränt"

 

Isch immer guet wenn me no en Kanister (anderi säged dem Fässli) Diesel uf Vorrat het.

 

Wiiter isches gange zum Karijini Nationalpark

 

De Park bütet super Schluchte, tolli Naturpools wo zurziit ca. 25 Grad warm sind.

 

 

Es het schochli Muet brucht da drii zspringe - derart natürlichs Wasser isch nämlich "Dunkel-Schwarz" ;-)

 

Au da hindere simmer gschwumme um aaschlüssend de Spider Walk zmache.

 

Mängisch hets au öppis zKlettere geh - da dMirjam bi de zweitleschte Schlüsselstell bevor

mir I de Gorge eusi Abchüelig gnosse hend

 

 

 

 

De Karijini Nationalpark isch sehr sehenswert - ein Muss!!

 

Nachher isches wiiter nach Exmouth gange.