Katherine

D'Strasse in Australie sind sehr unterschiedlich. Mängisch het me sGfühl ufere Landstrass zfahre, mit em Unterschied zu de Schwiiz, dass 110 bis 130km/h erlaubt sind.
Denn gits wieder breitere Strasse.

DRoadtrains sind faszinierend ...

In Katherine sind eus vorallem dAborigines ufgfalle ... sie trinked gern eine über de Durscht und sind Weltmeister im Flueche ... isch halt scho e ganz anderi Welt im Vergliich zum Busch.

Mir hend en Abstecher mit em Boot i de Katherine Gorge gmacht

 

 

 

 

 

 Au da gits Krodokil - da es jungs Süesswasser ...

 

I de heisse Quelle vo Katherine hend mir eus uf die nächschti Etappe in Weste vorbereitet

Litchfield und Kakadu

Nacheme sehr unbequeme Flug mit de Virgin Australia simmer in Darwin aacho.
Endlich wieder 35 Grad bi ca.95% Luffüechtigkeit.
De Litchfield Nationalpark het eus mit zwei Naturpools abchüehlig bracht.
Ufem Campingplatz simmer elei gsii ... Nei, Saison isch da obe nöd würklich.

Am nächschte Tag isch dFahrt bereits in Kakadu Nationalpark gange, mit 20000km2 de gröschti Nationlpark vo Australie und eis vo de wichtigschte Füechtgebiet vo de Erde.

SWetter uf dere Fahrt isch faszinierend gsii. D'Wolke hend ganz neui Dimensione ghaa.
Euse Hilux isch immer wieder vo Sintfluetartige Regefäll greinigt worde.
3 Minute spöter isches wieder Blau gsii (ok es paar Wolke hets no immer ghaa ;-)
Und so isches wiiter gange.

Nach de erschte Kakadu-Nacht hets en tolle Rundflug über de Nationalpark geh ...

und es paar anderi Sehenswerti Stelle ...

 

 



... wie au de Usblick vom Nawurlandja ...

... oder dFelskunst vo de Aborginines bim Nourlangie Rock

 

Nach de zweite Nacht hemmer eus e Früehstück-Bootsfahrt zwüsched Billabong und Krokodil gönt. Glücklicherwiis sind mir für letscheres nöd zum Früehstück verfüetteret worde ...

   

 

 





 

 

Das isch eis vo de schönere Spinne-Exemplar - immerhin 3/4 Hand gross. "She would bite you but isn't poison" hets gheisse. Lieber also no es paar "cm" Abstand laa ... ;-)