Nordweste bis Derby

Vo Katherine isch dFahrt nach Kununurra gange, wo mir eus de vierti dermal längschti Flug (2h) über de Argyle Stausee, d'Argyle Diamantmine  http://de.wikipedia.org/wiki/Argyle-Diamantenmine und d'Bungle Bungle gönt hend.

Zrugg uf em Big4 Camping het eus de "Georg" am 17:15h bsuecht. Er isch es Sweety (Süesswasserkrokodil) wo jede Abig zu dem Camping chunt.

Am Wasser hemmer wie jede Abig s'Barbeque und z'Morge gnosse.

Nach zwei Täg isch en Abstecher uf de Gibb River Road dra gsii, da die Offroad Strass offe gsii isch. Mer het eus gseit dass mir bim erschte Fluss (Phentacoast) Problem werdet ha, da de Wasserstand recht höch isch. Zudem seiged jetzt Salties (Salzwasserkrokodil) unterwegs is Süesswasser, nöd ideal zum Usstiige wenn me stecke bliibt.
Die Usgangslag isch also ideal gsii für en ächte Adventure Tescht mit eusem Hilux.
Und da ischer cho de Fluss - harmlos hemmer denkt ...

Au vo nöch het die Sach nöd würklich spektakulär usgseh.

Also, give it a go ...!!

Ok, ganz so tüüf hemmers nöd erwartet.
Aber de Toyota het die Wassermasse mit em "Low-Gear" locker uf dSiite gschobe. Leider hemmer bi dere Überquerig ganz verpasst nach de Krokis uschauh zhalte ... ;-)

Um das Feeling nomal z'erlebe, hemmer umkehrt und grad nomal de Fluss überquert.

Me fühlt sich frei nach sonnere Muetprob - das het au d'Mirjam denkt, da ufem Stei.

D'Mirjam zeigt eus bis wo s'Wasser im Minimum cho isch.

Die meischte Nationalpärk da im Nordweschte sind Saisonbedingt und teilwiis wege Buschbränd gschlosse gsii, weshalb mir im Nordweste schnell vorwärts cho sind.
Unterwegs hets die unendliche Wiite und interessanti Wolke -und Gwitterformatione zbestune geh.

 

In Derby gits die riisige Boab Prison Tree.  http://en.wikipedia.org/wiki/Boab_Prison_Tree,_Derby

 

 

Wiiter isches nach Broome gange -  die Infos lieferet mir im nächschte Post - "Im Weste"