Am Tag druf isch Fraser Island ufem Programm gstande. S'Steinemann's gend i eim Tag die 900km bis Hervey Bay zrugg gleit und eus sogar no es Plätze im gliiche Tourbus chöne organisiere. S'Stugeron het de Aurelia uf de Sandinsle wohl meh bracht als uf em Katamaran Törn zu White Heaven Beach. Nacheme Forest Walk
isches mit eusem Vehikel an lange 75-Mile-Beach gange. "Thats another style of highway" hends gmeint.
Unterwegs zum erschte Früschwasser Fuessbad hets es Aagebot für en Rundflug geh, was die 4-Fründe voll uskostet hend.
Bim Wrack vo de "S.S. Maheno" hend mir eus e Pause gönd.
Im Jahr 1935 isch de ehemalig Luxusliner währed eme Zyklon (wo eigentlich für die Jahresziit untypisch isch) im Oschte vo de Insle uf Grund glaufe.
De Lake McKennzie het leider siis Türkis Blau hüt nüt wele zeige. SBad isch aber gliich sehr erfrüschend gsii.
Ab Kingfisher Bay het eus dFähri wieder zrugg bracht.
Howdy! Das isch es Läbe, das :-). Ich gönnes euch vo Herze und find's toll, was ihr alles für eus gönd go rekognosziere...dänn wüssed mer dänn gnau, wo mir nöd hi wänd!
AntwortenLöschenWiiterhin viel Spass und "hebet euch warm" muess mer euch glaub nöd säge, im Gägesatz zu da i de CH - es isch traumhaft winterlich chalt!
Big hug und es chalts Foster's wünscht s'Schwöschterli
Dieser Kommentar wurde vom Autor entfernt.
AntwortenLöschenHey ihr beide!
AntwortenLöschenCooli föteli!
Hät sich glohnt i eim tag vo airlie nach hervey abe z tätsche! Fraser mit eu isch super gsi! Würemer wieder eso mache!
Werdet üche blog gspannt wieter verfolge - bald scho vo däheime us...
Glg und wieterhin ä tolli reis!
s Steinis