Good bye Australia ...

Mir bedanked eus für das grosse Interesse a eusere Reis. Es sind e huffe Erlebnis zäme cho wo mir no lang in Erinnerig bhalte werdet.

4 Monet Usziit lohned sich definitiv.

 

Aber jetzt freued mir eus uf dihei und uf Euch/Dich!

 

Good bye Australia!!

 

 

Sydney - the final destination

Obwohl mir Perth und Melbourne sehr gnosse hend - Sydney isch eifach fantastisch.
Es isch nur no wenig Ziit bliibe - defür hemmer intensive gnosse.
Eusi 4-monatig erlebnisriich Uuszit hemmer schlussendlich mit 100 Musikante, 110 Sänger vom Sydney Symphony Orchestra mit Russian Daydreams (Tchaikovsky & Prokofiev) im Sydney Opera House abgeschlossen.
E faszinierendi Darbietig!
Für jede wo no nie sones klassisches Konzert mit sonere Bsetzig erlebt het ein absolutes MUSS!

Flitterwuche ... Moorea (Tahiti) ...

Da simmer jetzt grad draa ... Flitterwuche vor de Hochziit - why not? Mir gnüsseds i volle Züüg!

S'Overwater Bungalow im Hilton und sReef grad vore dra isch eifach de Traum gsii.

Just married!!! (Oder nur a Probe?)

Anno 1850 häti das wohl so usgseh ... 

Auckland - die letschte 3 Täg uf Achse

Auckland isch nett, e schöni Promenande und e tolli Skyline ...

De Brienzer het eus bim Lichtsignal aaghaue. Er chämi denn am 3. Juli nach Davos as eidgenössische Jodlerfäscht

Nach 24h hemmer us de Stadt müesse - dLandschafte sind eifach faszinierender. 2 Nächt hemmer da in Piha verbracht.

So schwarz isch de Sand ...

Und was macht en Kiwi a somene Strand - Surfe!!!
Für eus isch also e Surfkurs aagstande.

 Und denn simmer gsurft wie dWeltmeischter! ;-)

 Und so lauft mer usem Meer als Surfer

 Ufem Skytower hemmer en tolle Sunneuntergang erlebt

 Wem wohl die Yacht ghört?

 Es heisst Abschied vo eusem schöne Camper und New Zealand nee

Diversi Campingsystem

Da hemmer en chline Uschnitt was es so für Campingsystem und Fahrzüg unterwegs ghaa het.

Super stabils System de Ahänger. Chostepunkt: $35'000

Keis System aber en tolle Stuehl hed da dMirjam gfunde ...

Wieso nöd grad en ganze Car - en oldi Autobus

Mer chan au mit wenig zfriede sii wie mer gseht 

Neuseeland Nordinsel (10 Täg bis 02.03.2014)

D'Fahrt mit de Fähre vo Picton nach Wellington isch mystisch, aber unheimlich faszinierend gsii.

 Schiinbar isches nöd alltäglich, dass mer sonen Nebel gnüsse dörf ...

Das wär doch en Chran für nach Züri ad Limmat?!?

De Riesetintefisch im Muesuem "Te Papa" hemmer eus nöd entgah laa.

 

Im Hafe vo Wellington schwimmed die tolle Roche umenand.

Meer, Nebel und dSpitze vomeme Gipfel ...

Es alts bekannts Gsicht het eus 50km nördlich vo Wellington zumene Kafi iiglade. En schöne Gruess an Dennis - er heig jetzt au en Chraft Ruum!Erscht grad isch er no en halbe Schindellegler gsii und jetzt wieder zrugg i de Heimat.

I de Chuchi vom Geoff.

Tolli Landschafte gits au uf de Nordinsle.

Vor Taupo chame s'Tongariro Gebiet mit de Vulkan bestuune.

Zwüsched Taupo und Rotorua hets denn i de Erde so richtig aafange choche und blubbere.

Übernachtet hemmer umgeh vo heisse Quelle - wo mer besser de Fuess nöd drii gstreckt het! ;-)
Am Camping Rand sind denn au entsprechendi Warnschilder gsii - "Chochends Wasser"

Nacheme heisse Bad im Spa isches am nächschte Tag zu de zweite vulkanische Zone gange - s'Waimangu Volcanic Valley. S'jüngschte Geothermal Eco System uf de Welt wo erscht 1886 kreiert worde isch. Denn sind nämlich 22 Krater explodiert. Vo 1900 bis 1904 hets en Geyser geh wo alli 36 Stund e 400Meter höchi, chochendi Wasserfontäne gmischt mit Sand, Stei und Dampf in Himmel gschosse het. 

2014 gseht das Gebiet wie folgt uus ...

 

 

Wie de dur das heissi Wasser lauft isch eus es Rätsel ...

In Mt. Manganeui  gits en tolle Berg mit super toller Ussicht.

Mit chli meh Wind hetted mir de Blo-Kart bewegt. 

So isches denn ebe uf's SUP gange .... Die gröschti Herusforderig isches gsii nöd uf eini vo dene neugierige Roche zflüüge .... aber de SUP Kapitän isch troche umecho.

Hot-Water Beach: Leider isch kei Schufle i de Camper Standard Usrüschtig debii gsii. Aber miteme guete Teller isch villes möglich.

Nach einige Minute grabe (inkl. Wellebrecher) isch euses Bädli parat gsii. I de Gegend vom Chopfbereich isch sWasser vo de 60°C warme Quelle ufgwärmt worde ...

 ... und mir sind nöd öbe elei gsii ... :-)

Nach de "Morge Arbet" isches imene 40-minütige Marsch ad Cathedral Cove gange 

 Det hets den au die nötig Abchüelig geh

D'Mirjam het die warme Sunnestrahle gnosse.

Da het doch tatsächlich eine no de länger Camper als mir. 34 Fuss lang, also über 10Meter!

Was bedütet wohl die Schwimmweschte?

Nei, kei River Rafting sondern River Rapid Jetting!!

 Mit 500PS dStromschnelle uf und ab - das gits au nur in New Zealand.

Im letschte Teil gits en Churzbricht vo Auckland - denn sind eusi lange Camping Ferie bereits Gschicht. Zuesätzlich gits en Camper-System-Blick und nach Auckland en Überraschig!